Inis Cathaigh agus an tIonad Cuairteoirí

Amach ó bhruach thuaidh Inbhear na Sionainne tá Inis Cathaigh, suíomh lonnaíochta luath-Chríostaí a bhunaigh fear neamhghnách.

Thóg Naomh Seanán, a rugadh sa cheantar seo, an mhainistir go luath sa séú haois. Bhí cloigtheach ollmhór mar chuid di, atá 36 méadar ar airde, agus é ar cheann de na cloigthithe is airde in Éirinn.

Tá fothraigh de shé theampall ar an suíomh chomh maith. Tá Teampall an Chnoic thuas ar thalamh ard, an áit, de réir an tseanchais, ar fhág aingeal Seanán ionas go n-aimseodh sé – agus ansin go ruaigfeadh sé – an ollphéist mhara uafásach, an Cathach. Creidtear go bhfuil Seanán curtha in aice le ceann eile de na teampaill mheánaoiseacha.

Rinneadh ionradh ar Inis Cathaigh mórán uaireanta thar na haoiseanna. Chreid na Lochlannaigh go háirithe go raibh maoin agus rachmas sa mhainistir agus chuaigh siad ar ais arís agus arís eile chun slad a dhéanamh uirthi.

Is féidir dul chuig an oileán ar thuras gearr báid, áit ar féidir leat taiscéaladh a dhéanamh ar an stair thar 1500 bliain.